O prazo remata o 5 de setembro e poderán concorrer artigos publicados entre o 1 de xullo de 2015 e o 30 de xuño de 2016.

Convocado o primeiro Premio Galicia de Xornalismo Científico

A Real Academia Galega de Ciencias, coa colaboración da Axencia Galega de Innovación, vén de convocar a primeira edición do Premio Galicia de Xornalismo Científico. Este premio está aberto a pezas escritas ou audiovisuais, publicadas en calquera medio galego (ou na edición galega dun medio estatal), sexan diarios dixitais ou en papel, radio ou televisión, entre o 1 de xullo de 2015 e o 30 de xuño de 2016. Ditos artigos deben estar encadrados dentro dos xéneros da noticia, a crónica ou a reportaxe, quedando excluídos expresamente as entrevistas e os artigos.

Os artigos tratarán calquera tema relacionado coa ciencia en Galicia

Poderá concorrer ao premio calquera xornalista a título individual ou en equipo, que desenvolva a súa actividade en medios de comunicación de Galicia ou en edicións galegas de medios estatais.A data límite de presentación é o 5 de setembro de 2016. O xurado estará presidido polo Presidente da RAGC e contará con catro vogais, dous designados por GAIN e dous designados pola RAGC, entre os que haberá profesionais de recoñecido prestixio relacionados cos ámbitos da comunicación e da divulgación científica.

Segundo se indica nas bases do certame, a peza “poderá ter como tema principal calquera aspecto relacionado coa ciencia desenvolvida en Galicia (achádegos, difusión do labor de grupos ou centros de investigación, posibles aplicacións dos resultados da investigación, casos de éxito de transferencia de resultados ao mercado, etc). A dotación do premio será de 4.000 euros netos, e ademais entregarase un diploma acreditativo ao gañador/a.

Para máis información, pódense consultar as bases ao completo nesta ligazón.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.