Únete á nosa canle de Whatsapp
Comezou en Galicia a gravación de ’22 ángeles’, que narra a expedición que, encabezada polo doutor Francisco Javier Balmis, levou a vacina dende A Coruña ás Américas a comezos do século XIX. Está baseada na novela ‘Ángeles Custodios‘, escrita por Almudena de Arteaga. No barco no que emprenden a travesía viaxan 22 nenos, os portadores da vacina nos seus corpos, brazo a brazo. Xunto a eles, a directora dun orfanato da Coruña, Isabel Cendal, a encargada de atopar aos 22 anxos e a persoa que se ocupará deles durante a travesía. Unha muller nun barco cheo de rudos mariñeiros, pero onde tamén viaxa o axudante do doutor Balmis, o doutor Salvany.
A rodaxe comezou en Ferrol, onde está atracado o barco no que os protagonistas farán a viaxe, unha reconstrución fiel dunha fragata do século XVIII que navegará durante varias xornadas e que se converterá na ficción na María Pita, o barco que partiu da Coruña transportando a expedición. Pedro Casablanc, María Castro, Octavi Poxadas, Carlos Santos, Javier Mejía, Jaime Pujol e José Sospedra encabezan o reparto.
historias-gc/os-22-orfos-coruneses-que-levaron-vacina-da-variola-america/
Home, todo moi interesante e efectivamente é unha epopeia que ten todos os compoñentes para facer un filme, etc., etc., poren é unha mostra mais de tantas nas que o noso Pais, Galicia, foi tratada desde o século XV como unha simples colonia no contexto do Estado Español… e moitos ainda teñen dúvidas sobre isto… o que pode facer o autoengano…