Venres 29 Marzo 2024

Clonan en Santiago a “Gladiador”, unha amendoeira de 300 anos

O Instituto de Investigacións Agrobiolóxicas consegue, despois de 12 meses de ensaios, a instalación "in vitro" do exemplar orixinal

O Consello Superior de Investigacións Científicas (CSIC), a través do grupo  de Biotecnoloxía de Especies Leñosas do Instituto de Investigacións Agrobiolóxicas de Galicia (IIAG), logrou clonar, tras 12 meses de ensaios e traballo nos seus laboratorios en Santiago de Compostela, a amendoeira “Gladiador”.

Este avance científico enmárcase nun contrato de apoio tecnolóxico subscrito entre o CSIC, que a través do IIAG desenvolve actividades dentro da área agroforestal, e a Fundación Internacional para a Restauración de Ecosistemas (FIRE), que desenvolve a súa actividade no terceiro sector ambiental no ámbito da restauración e conservación de ecosistemas.

Publicidade

En 2017 as científicas do CSIC Concepción Sánchez Fernández e Nieves Vidal González iniciaron, no marco deste contrato, os labores para a instalación in vitro de material da árbore adulta “Gladiador”, duns 300 anos e situado en Membrilla (Valdepeñas, Ciudad Real).

Este traballo de investigación desenvolveuse nas seguintes fases: 1) recollida in situ do material vexetal da árbore adulta e as sementes, 2) instalación in vitro nos laboratorios do IIAG optimizando e adecuando á especie os protocolos desenvoltos polo grupo de investigación para a micropropagación de árbores adultas doutras especies e 3) multiplicación, enraizamiento e aclimatación de 200 plantas.

Na actualidade o grupo de investigación dispón de 150 plantas clonadas a partir do árbore nai que están xa aclimatadas para ser transferidas á Fundación, cuxo fin é distribuílas na zona de orixe. Por outra banda, no IIAG manteranse in vitro as diferentes liñas establecidas para futuras análises e para a súa conservación ex situ.

Gladiador ten unha altura de 12,5 metros, un diámetro de copa de 7,45 m. e 2,45 de tronco. O traballo realizado no CSIC forma parte dun proxecto máis amplo, denominado Frutais Singulares.

1 comentario

  1. Por que foi necesario clonar a Gladiador coa técnica de reprodución in vitro, cando sería máis sinxelo facelo a través de esquexes ou gallos?

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo do CSIC logra controlar unha doenza causante da extinción dos anfibios

Os investigadores aplicaron un funxicida agrario sen observar trazas do produto nin efectos significativos na química e bioloxía da auga

Zendal lanza a primeira vacina de tecnoloxía ADN contra a leishmaniose canina

‘Neoleish’ reduce a presenza do parasito en máis dun 90% e mellora os signos clínicos da doenza

Un composto natural reduce o impacto da seca e mellora a produtividade do tomate

Un equipo do CSIC e da UPV descobre como actúa o butanoato de hexenilo, un aroma que emiten estas plantas para resistir ás bacterias

Como usar datos históricos para a conservación de especies: así é a nova metoloxía con pegada galega

A UVigo e o CSIC proban un método en escaravellos coprófagos ibéricos que permite comprender a súa resposta a cambios ambientais