Venres 29 Marzo 2024

Así atravesou Galicia o gran bólido cósmico

É un dos bólidos máis espectaculares que se teñan rexistrado en Galicia. E xa está baixo estudo da Red de Investigación sobre Bólidos y Meteoritos, organización á que pertencen científicos de diferentes universidades que rexistran, catalogan e estudan estes impactos de materia cósmica contra atmosfera. No caso do avistado o xoves 27 de outubro, ás 19.30 horas, trátase dun bólido de gran magnitude, xa que foi visible aínda con restos de luz diurna e deixou unha estela luminosa que durou uns dez minutos.

Pola súa banda, o Observatorio Astronómico Ramón María Aller da Universidade de Santiago (USC) conseguiu determinar a traxectoria dese bólido, que, aínda que parecía que pasaba rozando cabezas, fíxose visible a cen quilómetros de altitude no norte de Portugal e desprazouse cara á costa central asturiana, onde deixou de verse a uns 40 quilómetros de altitude.

Publicidade

Segundo La Voz de Galicia, axentes da Garda Civil tentaron localizar restos do bólido no municipio lucense de Taboada. Pero agora os expertos certifican que non houbo impacto en terra, polo feito de que o obxecto cósmico continuou a súa traxectoria sobre Asturias cara o mar. O que si resulta seguro é que se trata dun dos bólidos visualmente máis impactantes. Porque a Rede de Investigación detecta uns 500 bólidos ao ano, a través de 30 estacións. Pero a particularidade deste é o feito de ter sido visible aínda con luz diurna.

En caso de avistar un bólido, a rede investigadora convida a comunicalo na súa páxina web, seguindo as súas indicacións para que os datos poidan dar resultados científicos. Ademais, a rede publica a listaxe dos avistamentos rexistrados nos últimos anos.

Existe unha gravación en vídeo do bólido, que foi rexistrada en Cantabria por un turismo en circulación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.