Venres 29 Marzo 2024

Un físico da USC imparte un seminario no CERN

O investigador do grupo de Altas Enerxías do Instituto Galego de Física de Altas Enerxías Antonio Romero Vidal impartiu este martes 6 no CERN un dos seminarios Experimental Physics que periodicamente se celebran neste laboratorio de física de partículas. A intervención do investigador posdoutoral da USC xirou arredor de novas medidas identificadas que poderían apuntar resultados que difiren do recollido no Modelo Estándar, a máis exitosa teoría que os científicos teñen para describir a maior parte dos fenómenos asociados a partículas elementais e as súas interaccións.

Os electróns, encargadas de conducir a electricidade na vida cotiá, son un tipo de partículas chamadas leptóns. Existen outras dúas, os muóns (que se producen abundantemente en colisións de raios cósmicos cos núcleos atómicos das moléculas do aire) e os taus (aínda máis pesados e que, en principio, só se diferencian do electrón na súa masa). Comparados os tres, os muóns son duascentas veces máis pesados que os electróns e os taus case tres mil cincocentas veces máis.

Publicidade

Romero presentou datos que poderían mudar o estudo da física de partículas

O Modelo Estándar (ME) predí que estes tres leptóns interaccionan de xeito idéntico con todas as demais partículas, agás diferenzas debidas á súa diferente masa. É un fenómeno denominada Lepton Flavour Universality (LFU) e unha desviación deste principio podería implicar fenómenos físicos alén do ME. Un xeito de comprobar a validez da LFU é estudar o cociente entre as taxas de desintegración dos mesóns B0. Estas partículas poden desintegrarse en estados finais que conteñen taus e muóns. Segundo o Modelo Estándar, o citado cociente debería ser moi próximo a 0.252, aínda que medidas dos experimentos LHCb, BaBar e Belle amosan un valor sistematicamente maior, en torno a 0.310 pero cunha incerteza aínda grande, explican os investigadores.

Na súa, intervención, Antonio Romero presentou unha nova medida independente deste cociente entre as taxas de desintegración e que, novamente, dá un resultado maior que a predición do ME mantendo unha tensión de máis de tres desviacións estándar, “no que puidera ser un indicio de nova física que require máis traballo e que atrae a atención de boa parte da comunidade dedicado ao estudo da física de partículas”.

Antonio Romero é doutor pola USC, realizando a súa tese de doutoramento no experimento DIRAC, ademais de ter realizado unha estadía investigadora no Laboratorio Nazionale di Frascati en Italia, dedicándose nestas dúas etapas ao estudo de átomos exóticos. Dende 2012 traballa na USC ao abeiro do programa I2C da Xunta de Galicia.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A USC contribúe nunha nova técnica para estudar reaccións nucleares en explosións estelares

O investigador Yassid Ayyad desenvolveu parte da análise neste traballo internacional que se publica na revista ‘Physical Review Letters’

Científicos galegos afondarán na conformación do Universo nun experimento con neutrinos

O IGFAE participará no deseño dun detector que interceptará feixes destas partículas para intentar explicar a asimetría entre materia a antimateria

O Shazam das ondas gravitacionais ten acento galego

Un traballo liderado por Juan Calderón "dálle a volta á tortilla" aos complexos cálculos necesarios para obter información destes eventos

A eternidade por fin comeza un luns

Artigo gañador da VI edición do IGFAE C3, o concurso de comunicación científica do Instituto Galego de Física de Altas Enerxías