Xoves 28 Marzo 2024

O día dos 9.562 raios

Nun só día de 2017 houbo sobre Galicia o 20% de todos os raios que se rexistraron nas outras 364 xornadas do ano. Foi o 26 de maio, con 9.562 lóstregos detectados polos sensores de MeteoGalicia, que este martes publicou o seu informe anual sobre raios, tal e como ven facendo desde 2009, cando puxo en marcha o seu sistema de detección de descargas eléctricas. E o 26 de maio de 2017 foi o día de maior intensidade de treboadas desde que se puxo en marcha a rede.

Aquel día chegaron a contabilizarse ata 1.094 raios entre as 4.00 e as 6.00 horas da madrugada. A coincidencia dunha masa de aire moi cálido sobre a península Ibérica xunto a unha valgada de aire frío que chegaba polo noroeste provocou unha situación de inestabilidade que desembocou na vaga de treboadas. A rede detectou 9.562 raios sobre Galicia – máis da metade, na provincia de Ourense-, pero amais destes, tamén localizou ata 18.271 descargas se sumamos os arredores do noso territorio, tal e como se pode ver na imaxe que encabeza a información.

Publicidade

Maio: mes de récord de raios nun ano de récord

O mes de maio superou moitos dos rexistros marcados ata o momento en canto ao número de lóstregos. En 15 dos 31 días do mes houbo treboadas en Galicia, cunha media de 1.574 diarios. Así, MeteoGalicia contabilizou 23.612, o 49% do total do ano (47.937), e case o dobre que o anterior mes que ostentaba o maior rexistro (xuño de 2014, con 13.288). Deste xeito, maio tamén tivo máis raios que o total dos anos 2016, 2015, 2013 e 2012, nos que apenas se superaron, por separado, os 20.000 relampos.

Maio de 2017 superou todos os rexistros mensuais de raios desde que se puxo en marcha o sistema de detección. Fonte: MeteoGalicia.
Maio de 2017 superou todos os rexistros mensuais de raios desde que se puxo en marcha o sistema de detección. Fonte: MeteoGalicia.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A borrasca Nelson activa a alerta en Galicia por chuvias, vento e temporal marítimo

A Semana Santa comeza con aviso laranxa por ondas de 7 metros en todo o litoral e amarelo por acumulación de chuvia de ata 40l/m2 en tan só 12 horas

Un río atmosférico empapa Semana Santa: Galicia poderá superar os 100 l/m² 

A situación de inestabilidade continuará durante a fin de semana, cando podería producirse unha cicloxénese explosiva no oeste da península

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra