Os mexillóns foron un dos alimentos da investigación Galiat 6+7.
Os mexillóns foron un dos alimentos da investigación Galiat 6+7.

Os beneficios da dieta atlántica

A esperanza de vida en Galicia entrou no selecto club dos 83 anos. Só Xapón e algunhas comunidades en España teñen tanta lonxevidade. A alimentación é unha das razóns. E o proxecto de investigación Galiat 6+7 ten comprobado as virtudes da chamada dieta atlántica, que en GCiencia recollemos na nosa reportaxe audiovisual da serie Ciencia en Vivo.

A dieta atlántica diminúe o colesterol e contribúe a rebaixar o adiposisade e o peso das persoas. Para chegar a esta conclusión, o grupo GALIAT 6 + 7, formado por seis empresas e sete grupos de investigación, realizou un experimento con 231 familias e un total de 656 persoas. Dividiunas en dous grupos para sometelas durante seis meses a dous modelos alimenticios distintos, e a conclusión foi clara: a significativa diminución do colesterol.

Galiat 6 + 7 presentou o ensaio clínico pioneiro en I+D+i, realizado en colaboración co Hospital Clínico de Santiago. As familias participantes, todas elas do concello da Estrada, dividíronse en dous grupos. A un, de 125 familias, induciúselle ao consumo de produtos das empresas do consorio, con produtos como os mexillóns, as brásicas, os lácteos galegos, ou o viño con moderación, entre outros. Outras 125 familias actuaron como control, sen intervención nutricional, pero cos mismos controis clínicos e analíticos. Remataron o experimento 213 unidades familiares.

Os resultados demostraron que a chamada dieta atlántica é saudable, en pé de igualade coa xa máis popular dieta mediterránea. Como nos contan na nosa reportaxe audiovisual da serie Ciencia en Vivo.

Máis información:

‘Grelos e verzas contra o cancro e o envellecemento’

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.