O programa europeo EMPATTICS, no que participa a Xunta a través da Axencia do Coñecemento en Saúde, ten como obxectivo prioritario o uso de novas tecnoloxías para mellorar a atención aos pacientes crónicos. Enfermidades como a EPOC, a diabetes e a insuficiencia cardíaca son o punto de partida para achegar novos mecanismos de seguimento e control para os miles de pacientes crónicos que existen en Galicia. O programa está en marcha co obxectivo de obter resultados concretos no ano 2019.