Únete á nosa canle de Whatsapp
Con motivo do Día Mundial dos Océanos, celebrado cada 8 de xuño, charlamos con Raquel Nieto, investigadora no grupo Ephyslab CIM-UVigo. Os seus estudos céntranse en comprender como varía a relación entre humidade oceánica e precipitacións terrestres a causa do cambio climático. Ademais, Nieto deixa claro que esta mudanza nas tendencias de precipitacións non só é un problema para os ecosistemas, senón que tamén condicionan as actividades humanas que se levan a cabo en cada lugar.
Precisamente, a investigadora apunta que nunhas décadas o número de precipitacións será menor, pero aumentarán os eventos extremos. Isto, unido a unha falta de previsión na construción de infraestruturas, podería ser a causa de diversos desastres naturais como as inundacións.
Ciencia de Ida e Volta é un podcast en colaboración coa Unidade de Cultura Científica da UVigo (UCC+I) que conta co apoio da da Fundación Española para la Ciencia y la Tecnología, do Ministerio de Ciencia e Innovación.
