Venres 29 Marzo 2024

‘Nos tellados’: o documental sobre as gaivotas criando na cidade

Para moitos, as cidades son o último lugar onde procurar comportamentos espectaculares da fauna salvaxe. Para outros, son un hábitat onde, sabendo axexar e sendo paciente, se pode observar escenas de grande valor biolóxico.

Foto: Álex Alonso. BEC.
Foto: Álex Alonso. BEC.

En Ecoloxía Azul diriximos e producimos unha curta documentar que agora presentamos. Nel amósase o comportamento íntimo dunha parella de gaivotas patiamarelas (Larus michahellis) criando a súa prole nos tellados dunha cidade de GaliciaPontevedra.

Publicidade

Mediante cámaras subxectivas en diferentes ángulos desvelamos o ritual reproductivo da parella, a eclosión dos ovos, a alimentación e o medre das crías ata o seu primeiro voo. Todo isto nun ambiente completamente urbano, porén alonxado das olladas humanas. A seguir deixámosvos a curta “Nos Tellados“:

Créditos:
-Idea e Imaxe - Gonzalo Mucientes
-Realización - Jaime Olmedo
-Música - Longest Year (Scott Holmes)
-Produción - Ecoloxía Azul

Ecoloxía azul

1 comentario

  1. Fermoso documental. Por si vos interesa documentalo, en Santiago, no polígono das Fontiñas, tamén cría unha parella coido que da mesma especie, desde hai 3 anos. O tellado onde crían non parece tan a xeito como ese de Pontevedra, pois ten forte inclinación. Como dende a miña posición de observador, un 4º piso do edificio de enfrente, non podo ver o seu niño (queda na pendente contraria do tellado), sospeito que o teñen nalgunha estrutura da base de antea parabólica, moi próxima ao cumio. O que si vexo son os vaivens da parella proxenitora desde o mes de abril (o resto do ano non aparecen por aquí), o ir e vir das crías polo tellado e os seus primeiros voos. Tamén se aprecia que na zona próxima ao “non visto” niño, medra de forma sobresaliente con respecto ao resto do tellado, a vexetación herbacea sobre as tellas, pondo de relevo iso da “sucesión ecolóxica primaria”.
    Saúdos

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As gaivotas trasladan centos de quilos de plástico dos vertedoiros ás reservas naturais

Un equipo internacional liderado pola Estación Biolóxica de Doñana do CSIC desenvolveu un modelo de deposición de residuos baseado na dieta e o movemento destas aves

Galicia superará os 40 graos durante a cuarta onda de calor da península

O sur de Pontevedra a Ourense serán as zonas máis afectadas durante un episodio de calor intenso que durará ata o xoves

Unhas xornadas afondan en como creatividade e innovación xeran un futuro máis sostible

Celebraranse este mércores 24 na Casa das Campás, en Pontevedra, ao abeiro do programa "Ciencia de ida e volta" impulsado pola UVigo

O Servizo de Dixestivo do Hospital de Pontevedra, o mellor de España contra a hepatite C

Esta unidade é pioneira na utilización de técnicas de intelixencia artificial e big data para a detección de pacientes ou implementando o diagnósticos dos mesmos nun só paso