Se tes un teléfono feito en China, talvez che interese ler isto. Censura e espionaxe?

"Lembrades o micrófono atopado nun robot de cociña en 2019? Agora Lituania recomenda non comprar móbiles chineses e desbotar os dispoñibles"

teléfono móbil
Teléfono Mi 10T 5G de Xiaomi.

Lembrades o micrófono que uns hackers atoparon no robot de cociña de Lidl en 2019? Que facía aí? Esta semana o Ministerio de Defensa de Lituania recomendou que os consumidores eviten comprar teléfonos móbiles chineses e recomendou ás persoas que refugasen os que teñen agora, despois de que un informe do goberno descubrise que os dispositivos tiñan capacidades de censura incorporadas. Censura? Que significa? Comecei a semana escribindo sobre China (A xenética, as publicacións científicas e a limpeza étnica en China) e termínoa con asunto relacionado.

Os teléfonos insignia vendidos en Europa polo xigante chinés de teléfonos intelixentes Xiaomi Corp teñen unha capacidade incorporada para detectar e censurar termos como “Tíbet libre”, “viva a independencia de Taiwan” ou “movemento democrático” segundo o organismo estatal de ciberseguridad de Lituania.

A capacidade do software do teléfono Mi 10T 5G de Xiaomi desactivouse para a rexión da Unión Europea, pero pódese activar de forma remota en calquera momento, afirma o centro nacional de ciberseguridad do ministerio no informe.

“A nosa recomendación é non comprar novos teléfonos chineses e desfacerse dos xa comprados o máis rápido posible”, declarou o viceministro de Defensa, Margiris Abukevicius, ao presentar o informe.

A retirada do embaixador

As relacións entre Lituania e China agreáronse recentemente. China esixiu o mes pasado que Lituania retirase ao seu embaixador en Beijing e dixo que chamaría ao seu enviado a Vilnius, despois de que Taiwan anunciase que a súa misión en Lituania se chamaría Oficina de Representación de Taiwan.

As misións taiwanesas en Europa e Estados Unidos usan o nome da cidade Taipei, evitando unha referencia á illa en si, que China reclama como o seu propio territorio. Isto chámase medo a China.

O informe do centro de seguridade cibernético de Lituania afirma tamén que o teléfono Xiaomi estaba a enviar datos de uso do teléfono encriptados a un servidor en Singapura. Tamén atopou un fallo de seguridade no teléfono P40 5G de Huawei de China, pero ningún no teléfono doutro fabricante chinés, OnePlus.

O representante de Huawei nos países bálticos asegura que os seus teléfonos non envían datos dos usuarios ao exterior.

O informe dixo que a lista de termos que poderían ser censurados polas aplicacións do sistema do teléfono Xiaomi, incluído o navegador de Internet predeterminado, actualmente inclúe 449 termos en chinés e actualízase continuamente. Isto é importante non só para Lituania senón para todos os países que utilizan equipos Xiaomi.

Pero Xiaomi non só fabrica teléfonos. a marca produce bicicletas eléctricas, reloxos intelixentes, auriculares, patinetes

 

Volvamos ao robot de cociña de Lidl. Como atoparon o micrófono e a sorpresa de que o robot tiña un sistema operativo Android? Un amigo propuxo a uns afeccionados á informática un desafío: instalar un videoxogo no robot de cociña de Lidl. O dispositivo chámase Monsieur Cuisine Connect e é a competencia low cost da popular Thermomix. Os amigos puxéronse ao choio. Pero ao tentar hackear o dispositivo, atoparon algo que non esperaban: o robot de cociña contaba cun micrófono oculto. Ademais, tiña un sistema operativo que non se actualiza desde outubro de 2017.

“O acceso ao micrófono e outras funcións vulnerables só son posibles co robot aceso, polo que é importante apagalo cando non o usamos”

Naquel momento declararon: “Non creemos que Lidl teña a vontade de espiarnos”. Aínda así consideraban moi importante que se saiba “que a versión de Android que está no robot é antiga e vulnerable aos piratas que poderían tomar o control do dispositivo e escoitar o son de ambiente a través do micrófono”. “O acceso ao micrófono e outras funcións vulnerables só son posibles cando o robot está aceso, polo que é importante pensar en apagalo cando non o usamos”.

Lidl afirmou que o micrófono está desactivado e “a seguridade da Monsieur Cuisine está garantida”. O micrófono, segundo sostén, está pensado “para futuras funcionalidades como o control de voz, tal e como xa sucede con outros electrodomésticos de características similares que tamén se comercializan en España”. “Se o control de voz chega a habilitarse no futuro mediante unha actualización do software, o micrófono só se activará baixo expreso consentimento do usuario. Actualmente, só un uso fraudulento e malintencionado do produto pode activar o micrófono”, explicou a compañía.

Quen fabrica estes aparellos para Lidl? SilverCrest. Quen fabrica para SilverCrest? “Kompernass, unha empresa alemá que se ocupa de produtos electrónicos de distinta índole (entre eles electrodomésticos) é unha das compañías que están detrás de dos aparellos de SilverCrest. De feito, na súa páxina web vende accesorios, repostos e mesmo algúns produtos completos desta marca branca de Lidl.

Outra das compañías que están detrás dos electrodomésticos SilverCrest é Hoyer Handel, en cuxa tenda online tamén é posible atopar pezas, repostos e accesorios dos aparellos da marca.

Fabricación en China?

Pero o feito de que polo menos dúas compañías alemás estean detrás dos electrodomésticos de Lidl, non significa que os aparellos estean fabricados en Alemaña.

O prezo de derriba que teñen os produtos do catálogo de SilverCrest suxire que a fabricación lévase a cabo en China. Hoyer Handel conta con dúas oficinas de compras no país asiático, unha en Hong Kong e outra en Shenzhen, e Kompernass tamén ten operacións en China.

“Lidl é unha corporación moi opaca, polo que non queda nada claro nin o seu armazón empresarial nin a procedencia de moitos dos produtos do seu amplo abanico de marcas brancas”.

Informe Centro Ciberseguridad Lituania. Assessment of cybersecurity of mobile devices supporting 5G technology sold in Lithuania ANALYSIS OF PRODUCTS MADE BY Huawei, Xiaomi and OnePlus

Lithuania says throw away Chinese phones due to censorship concerns. Reuters.

 SilverCrest, la marca que se esconde tras los electrodomésticos de Lidl

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.