Venus e Xúpiter están próximos

Explicación: o 30 de xuño, Venus e Xúpiter estiveron achegados nos ceos occidentais no lusco fusco. Preto do cumio da espectacular conxunción deste ano, os dous planetas brillantes vespertinos son capturados no mesmo campo de visión telescópico nesta imaxe tirada tralo solpor desde Bejing, China. Mentres os dous planetas brillantes fican xuntos no oeste, unha Lúa case chea érguese sobre o horizonte polo sur e leste. Fotografada esa noite cos mesmos telescopio e cámara, a Lúa saíndo desde a parte oposta do ceo é comparada coa conxunción planetaria en escala na imaxe composta dixitalmente. O disco lunar completo cobre un ángulo de medio grao no ceo. Tamén son visibles, tanto con prismáticos como telescopios pequenos, o crecente de Venus e as catro lúas galineanas de Xúpiter. Por suposto, Venus e Xúpiter aínda están achegados.