Unha Súper-Terra de diamante e lava

Explicación: por que poderías querer visitar a súper-terra Cancri 55 e? Ten un clima incriblemente quente xa que as mañás deste mundo poderían traer fluxos de lava fresca. O planeta Cancri 55 e, descuberto en 2014, ten o dobre do tamaño cá nosa Terra e unhas 10 veces a súa masa. O planeta orbita a 40 anos luz de distancia á súa estrela de tipo solar ben dentro da órbita de Mercurio, tan preto que está trabado gravitatoriamente, o que significa que sempre mantén a mesma faciana cara o obxecto que orbita; como lle pasa á nosa Lúa cando orbita á Terra. Os astrónomos mediron recentemente os cambios de temperatura deste exoplaneta empregando observacións en infravermellos co Telescopio Espacial Spitzer. Seguindo estas observacións, un artista creou o vídeo publicado con hipóteses baseadas sobre como sería unha revolución de Cancri 55. Represéntanse a fase chea, cando o planeta está compleamente alumeado, e a fase nova (escura), cando pasa preto da liña de visión da Terra. As franxas vermellas ilustradas sobre Cancri 55 eindican franxas de lava que poderían fluír sobre o planeta. Unha determinación recente da densidade de 55 Cancri e amosa que este exoplaneta non está feito fundamentalmente deosíxeno, como os planetas interior do noso Sistema Solar, pero con bastante carbono. Por tanto, una razón para visitar Cancri 55 e podería ser estudar o seu núcleo, porque a gran presión interna deste planeta podería ser abondo para facer que o carbono atopado estivera en forma dun enorme diamante.