Unha nube lenticular con forma de corazón

Explicación: pode unha nube amar a unha montaña? Quizais non, pero nun Día dos Namorados coma hoxe, un podería tender a ollar símbolos con forma de corazón onde non os hai. O corazón publicado, unha pareidolia flotante, era realmente unha nube lenticular que apareceu unha mañá a finais de xullo por riba do Parque Nacional do Monte Cook en Nova Zelandia. Un vídeo acompañante amosa que a nube lenticular era sobre todo estacionaria no ceo pero variaba e vibraba cos ventos do derredor. A cor vermella da nube estaba provocada polo Sol que saía por fóra do recadro á dereita. As nubeslenticulares son dalgún xeito estrañas pero poden formarse no aire que pasa sobre unha montaña. Entón, os remuíños verticais poden formarse onde o aire que se ergue arrefría ata pasar o punto de orballo facendo que a auga transportada polo aire se condense en pingas. Por desgraza, esta vista abraiante fixo que o fascinado videógrafo chegara tarde ao almorzo.