Explicación: que está a facer esa duna de area escura en Marte? O todoterreo automático Curiosity da NASA estivo a estudala para averigualo, facendo esta investigación en primeiro plano nunca antes feita dunha duna de area activa noutro mundo. Denominada Duna Namib, o outeiro de area escura conta cuns 4 metros de altura e, ao igual cás outras Dunas Bagnold, sitúase no flanco noroccidental do Monte Sharp. A fotografía publicada tirouse o mes pasado e comprimiuse horizontalmente aquí para unha mellor comprensión. O vento fai que a duna avance un metro por ano máis ou menos polo leito rochoso de embaixo, e á esquerda pode ollarse area que soprou o vento. Incluso pode verse parte do propio todoterreo Curiosity na parte inferior dereita. Xusto hai uns poucos días, o Curiosity recolleu algo de area escura para unha análise polo miúdo. Despous dunha exploración adicional das Dunas Bagnold, está programado que o Curiosity continúe a súa andaina ata o Monte Sharp, de 5 quilómetros de altura, o pico central do gran cráter onde aterrou o todoterreo do tamaño cun coche.