Explicación: foi este o flash máis afastado nunca visto antes? Un flash de luz inesperado que se ollou fortuítamente nas imaxes do Telescopio Espacial Hubble poida que sexa non so un estraño evento de lente gravitacional; tamén unha imaxe dunha estrela normal 100 veces máis lonxe que ningunha outra estrela fotografada individualmente ata o de agora. A imaxe publicada amosa o cúmulo de galaxias da esquerda cheo de moitas galaxias amareladas, mentres que á dereita hai un cadro ampliado onde unha fonte aparecía en 2016 que non era evidente ata 2011. O espectro e variabilidade desta fonte son estrañamente parecidos a unha supernova, pero semella máis consistente cunha estrela superxigante azul normal ampliada por un factor de 2000 pola confluencia de lentes gravitacionais aliñadas. Alcumada Icarus, a fonte está nunha galaxia ben por tras do cúmulo galáctico e moi afastado no universo; cun corremento ao vermello de 1,5. Se a interpretación da ampliación é correcta e Icarus non é unha estrela que estourou, as observacións adicionais da mesma e outras estrelas ampliadas de xeito semellante poderían dar información sobre o contido estelar e de materia escura do cúmulo galáctico e do universo.