Únete á nosa canle de Whatsapp
Explicación: esta nube cósmica, grande e cunha forma espectacular, abarca uns 7 graos ou 14 lúas cheas no ceo do planeta Terra cara a constelación meridional de Ara. A aparición filamentaria, difícil de fotografar, está catalogada coma RCW 114 e perfilada neste mosaico telescópico pola desveladora emisión avermellada dos átomos ionizados de hidróxeno. De feito, RCW 114 foi recoñecido coma un remanente de supernova. Os seus amplos filamentos de emisión son producidos mentres a onda de choque en expansión procedente da explosión mortal dunha estrela masiva varre o medio interestelar ao derredor. Estímase a súa distancia a uns 600 anos luz, o que indicaría un diámetro duns 100 anos luz ou así. A luz da explosión de supernova que creou RCW 114 tería chegado á Terra hai uns 20.000 anos. Unha estrela de neutróns ou un pulsar identificouse recentemente coma os refugallos colapsados do núcleo estelar.
