Explicación: que é o que ameaza por tras deste outeiro de grava espallada sobre o cometa Churyumov–Gerasimenko? Un cantil escarpado. O estraño núcleo dobre do cometa 67P/Churyumov–Gerasimenko apórtalle unhas vistas espectaculares e raras, unha das cales foi captada pola sonda espacial Rosetta, que chegou ao cometa o pasado setembro. A paisaxe cometaria publicada, tirada o pasado outubro e salientada dixitalmente, abarca uns 850 metros de diámetro. Namentres, o cometa Churyumov–Gerasimenko continúa a abrollar chorros mentres se achega ao seu punto máis próximo ao Sol en agosto. Polo camiño, a Rosetta continuará á procura dos sinais da Philae, unha sonda que aterrou no núcleo pero rebotou a un lugar descoñecido da superficie o pasado novembro. Se recibise de novo a luz solar, a Philae podería recuperar enerxía abondo para comunicarse outra vez coa Rosetta.