Explicación: o 12 de abril, mentres o Sol estaba bloqueado polo disco de Saturno, a cámara da sonda espacial Cassini mirou cara o Sistema Solar interior e os aneis retroalumeados do xigante de gas. Na parte superior do mosaico está o anel A coa súa ampla división de Encke e a máis estreita de Keeler visibles. Na parte inferior está o anel F, brillante pola perspectiva. O punto de luz entre os aneis é a Terra, a 1,4 miles de millóns de quilómetros de distancia. Olla coidadosamente e poida que incluso descubras a gran lúa terrestre, unha alfinetada de luz á esquerda do planeta. Hoxe, a Cassini realiza o seu derradeiro achegamento próximo a Titán, a propia gran lúa de Saturno, empregando a súa gravidade para xirar ao Gran Final da sonda, o conxunto final de órbitas que leverán á Cassini xusto por dento dos aneis de Saturno.