Únete á nosa canle de Whatsapp
Explicación: ten Enceladus océanos subterráneos que poidan manter a vida? O descubrimento de chorros cuspindo vapor de auga e xeo foi detectado pola nave espacial Cassini, que está a orbitar Saturno, en 2005. Porén, a proxe da auga que alimenta os chorros era descoñecida orixinalmente. Desde o descubrimento, fóronse amoreando evidencias de que Encélado ten un fondo océano subterráneo, arrequecido pola fricción de marea. Nesta fotografía, a superficie texturada de Encélado pode verse no primeiro plano, mentres que fileiras de penachos se erguen desde as crebaduras do xeo ao lonxe. Estes chorros fanse máis visibles polo ángulo do Sol e ao traspasar a sombra da noite. Un sobrevoo recente atopou evidencia de que un penacho (e por tanto seguramente o mar subxacente) é rico en hidróxeno molecular, unha fonte de alimento viable para os microbios que potencialmente puideran estar a vivir ahí.
Por matizar un pouquichiño o título da imaxe, que se simplificou ao respecto do que aparece na web APOD en galego na que traducimos o texto da NASA; o título orixinal é: “Penachos que posibilitan a vida sobre Encélado”. No texto claro. Non se atopou vida. Non se sabe se hai vida en Encélado. A Cassini non podería detectar vida a non ser que unha lura xigante se puxera a unha distancia axeitada da súa cámara con luz suficiente XD
O único, atopouse un elemento que noutros lugares serve de alimento para a vida (microbiana, por exemplo), nos penachos emitidos polos géyseres que proceden do interior de Encélado.