Explicación: como sería sobrevoar o polo norte de Xúpiter? Fíxose unha animación ficticia a partires de imaxes reais e datos captados pola sonda espacial Juno da NASA que amosan unha resposta. Como o polo está agora en sombra, o vídeo emprega luz infravermella emitida por Xúpiter; concretamente unha cor infravermella na que a que os elementos máis quentes brillan máis intensamente. Cando comeza a animación, a Juno achégase ao enorme planeta. Axiña, aparece uno dos oito ciclóns que circundan o polo norte. Un por un, inspecciónanse os oito ciclóns que arrodean o polo, cada un do tamaño dun continente completo da Terra e con muros espirais e irregulares. A viaxe virtual remata afastándose. O estudo dos ciclóns xupiterianos axuda á humanidade a comprender mellor os perigosos sistemas de tormentas que ocorren aquí na Terra. A Juno vén de rematar outro paso próximopor Xúpiter (perixove 12) e semella con saúde abondo para completar varios máis nas órbitas dos vindeiros dous meses.
Charla en Ourense coas imaxes do último ano. No Liceo, sábado 21 abril ás 20.00.