Explicación: inflada polos ventos rápidos procedentes dunha estrela masiva e quente, esta burbulla cósmica é enorme. Catalogada coma Sharpless 2-308 atópase a uns 5.200 anos luz de distancia cara a constelación do Can Grande (Canis Major) e cobre lixeiramente máis do ceo que unha Lúa chea. Iso equivale ao diámetro de 60 anos luz a súa distancia estimada. A estrela masiva que creou a burbulla, unha estrela Wolf-Rayet, é a brillante preto do centro da nebulosa. As estrelas Wolf-Rayet teñen unhas 20 veces a masa do Sol e pénsase que están nunha breve fase pre-supernova de evolución de estrelas masivas. Os ventos rápidos desta estrela Wolf-Rayet crean a nebulosa con forma de burbulla mentres varren máis lentamente o material que moven desde unha fase máis temperá de evolución. A nebulosa levada polo vento ten unha idade duns 70.000 anos. A emisión relativemente feble captada nesta gran imaxe está dominada polo brillo dos átomos de osíxeno ionizado cartografados nun ton azul.