Xoves 28 Marzo 2024

Rexión de formación estelar e cúmulo Westerlund 2

Westerlund 2
Créditos da imaxe e copyright: NASA, ESA e Hubble Heritage Team (STScI / AURA), A. Nota (ESA/STScI) mailo equipo científico Westerlund 2.

Explicación: a 20.000 anos luz de distancia na constelación Carina, o cúmulo novo e a rexión de formación estelar Westerlund 2 enchen a escena cósmica. Esta imaxe espectacular, captada polas cámaras do Hubble en luz visible e do infravermello achegado, é unha celebración do 25 aniversario do lanzamento do Telescopio Espacial Hubble o 24 de abril de 1990. A densa concentración do cúmulo de estrelas masivas e luminosas ten uns 10 anos luz diámetro. Os potentes ventos e a radiación procedente das estrelas novas e masivas esculpiron e formaron o gas e po da rexión no interior dos piares de formación estelar que apuntan ao centro do cúmulo. Os puntos vermellos que arrodean ás estrelas brillantes son estrelas febles recén nadas do cúmulo, aínda no interior dos seus casulos natais de po e gas. Pero as estrelas azuis máis brillantes que se esparexen ao redor probablemente non pertencen ao cúmulo Westerlund 2 e atoparíanse no primeiro plano do campo de visión do Hubble.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente