Xoves 28 Marzo 2024

Retrato do Sistema Solar

Créditos: Voyager Project, NASA
Créditos: Voyager Project, NASA

Explicación: hai 25 anos, noutro día de san Valentín, a nave espacial Voyager 1, que viaxaba a seis mil catrocentos millóns de quilómetros desde o Sol, mirou atrás por derradeira vez para facer este primeiro retrato de familia do sistema solar. O retrato completo é un mosaico de 60 cadros feito desde o punto privilexiado a 32 graos por riba do plano da eclíptica. Nel, a cámara gran angular da Voyager varre o sistema solar interior á esquerda, unido ao xigante de gas Neptuno, o planeta máis exterior do sistema solar, no extremo dereito. As posicións de Venus, a Terra, Xúpiter, Saturno, Urano e Neptuno están indicadas por letras, mentres que o Sol é o punto brillante preto do centro do círculo de fotogramas. Os cadros inseridos para cada un dos planetas son da cámara de campo estreito da Voyager. Non se ve no retrato a Mercurio, demasiado preto do Sol para ser detectado, nin Marte, desgrazadamente agochado pola luz solar difundida polo sistema óptico da cámara. Máis achegado ao Sol ca Neptuno nese intre, a posición do pequeno e tenue Plutón non se retratou.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos