Únete á nosa canle de Whatsapp
Explicación: contempla os canóns conxelados ao norte de Plutón nesta escena con cores salientadas e contrastadas, tomada o pasado mes de xullo pola nave espacial New Horizons. A rexión, coñecida actualmente como Lowell Regio, denominouse informalmente así por Percival Lowell, fundador do Observatorio Lowell. Famoso tamén pola súa especulación de que había canles en Marte, en 1906 Lowell comezou a procura que ao final levaría ao descubrimento de Plutón. O propio polo Norte de Plutón está arriba e á esquerda do centro do recadro. O solo azul claro do amplo canón da esquerta ten uns 70 quilómetros de ancho, percorrendo verticalmente cara o sur. As elevacións máis altas toman unha cor amarelada. As medidas da New Horizons determinaron que ademais do xeo de nitróxeno, por toda a setentrional Lowell Regio abunda o xeo de metano.
