Os cantís do cometa Churyumov-Gerasimenko

Os cantís do cometa Churyumov-Gerasimenko
Créditos da imaxe e licenza (CC BY-SA 3.0 IGO): ESA, Rosetta spacecraft, NAVCAM.Procesado adicional: Stuart Atkinson.

Explicación: estes altos cantís ocorren na superficie dun cometa. Descubriuse que forman parte do núcleo escuro do cometa Churyumov–Gerasimenko (CG) pola Rosetta, unha nave espacial automática lanzada pola ESA que comezou a orbitar o cometa a primeiros de agosto. Os irregulares cantís, tal e como se amosa aquí, foron fotografados pola Rosetta hai unhas dúas semanas. Aínda que sobrepasan un quilómetro de altura, a baixa gravidade superficial do cometa CG probablemente permitiría a un ser humano sobrevivir nun chouto desde o máis alto dos cantís. Ao pé dos cantís hai un terreo relativamente suave punteado con penedos duns 20 metros de diámetro. Os datos da Rosetta indican que o xeo do cometa CG ten unha fracción de deuterio significativamente diferente, e por tanto probablemente unha orixe diferente, do da auga dos océanos da Terra. Está programado que a nave espacial Rosetta continúe a acompañar ao cometa mentres realiza a súa aproximación máis achegada ao Sol en agosto de 2015.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.