Venres 29 Marzo 2024

O río escuro de Antares

O río escuro de Antares
Créditos e copyright: Jason Jennings.

Explicación: conectando a nebulosa da Pipa coa rexión chea de cor preto da brillante estrela Antares hai unha nube escura alcumada o río Escuro, que flúe desde o bordo esquerdo da imaxe. De aspecto túrbido, a aparencia do río Escuro está provocada polo po que escurece a luz das estrelas do fondo, aínda que a nebulosa escura contén sobre todo hidróxeno e gas molecular. Arrodeada por po, Antares, unha estrela vermella superxigante, crea unha estraña e brillante nebulosa de reflexión amarelenta. Por riba dela, a estrela dobre azul brillante Rho Ophiuchi está incrustada nunha nebulosa de reflexión azulada máis típica, mentres as nebulosas de emisión vermella tamén están a difundirse ao redor da rexión. O cúmulo globular de estrelas M4 está xusto á vista por riba e á dereita de Antares, aínda que se atopa moito máis afastado por tras das nubes coloridas, a unha distancia duns 7.000 anos luz. O propio río Escuro está a uns 500 anos luz de distancia. A paisaxe chea de cor é un mosaico de imaxes telescópicas que abarca case 10 graos (20 lúas cheas) no ceo na constelación do Escorpión (Scorpius).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente