Xoves 28 Marzo 2024

O ceo desde Mauna Kea

Volcán Mauna Kea
Créditos da imaxe e copyright: Shane Black Photography.

Explicación: que pasaría se puideses ficar no cumio dun volcán e ollar ao universo?  Se o momento é o correcto, poderías mirar unha panorámica abraiante como o que se amosa aquí. Neste caso, o volcán é o Mauna Kea de Hawai, e o momento era unha noite clara do verán pasado. No primeiro plano desta panorámica que apunta ao sur está unha paisaxe escarpada moteada de rochas. Lixeiramente por riba e máis lonxe, unha manta branca de nubes espállase horizontalmente ata o horizonte, como se dividise o ceo da Terra. As luces da cidade alumean as nubes mailo ceo no extremo esquerdo, mentres a lava laranxa da caldeira volcánica do Kilauea alumea ás nubes xusto á esquerda do centro. O cumio doutro volcán de Hawai aínda máis afastado, o Mauna Loa, pode verse perfilado escuro preto do horizonte central. A luminescencia verde óllase por riba das nubes, provocada polas moléculas de aire excitadas polo Sol durante o día. A Lúa é o orbe brillante da dereita. Unha banda difusa de luz zodiacal coloreada esténdese desde o extremo dereito. Máis lonxe, a impresionante franxa central da nosa galaxia Vía Láctea semella erguerse verticalmente desde Mauna Loa. A persoa que presenzou e gravou esta panorámica espectacular fica diante túa, no centro da imaxe.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Primeira imaxe en luz polarizada do burato negro da Vía Láctea

Grazas a esta nova vista de Saxitario A*, a rede global de radiotelescopios EHT revela a existencia de fortes campos magnéticos xirando arredor do seu borde

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos