Venres 29 Marzo 2024

NGC 7822 en Cefeo

NGC-7822
Créditos da imaxe e copyright: César Blanco González.

Explicación: as estrelas novas e quentes máis os piares cósmicos de gas e po semellan ateigar o interior de NGC 7822. A brillante rexión de formación estelar, ao bordo dunha nube molecular xigante na dirección da constelación setentrional de Cefeo, atópase a uns 3.000 anos luz de distancia. No interior da nebulosa saliéntanse as formas escuras e os bordos brillantes nesta paisaxe celeste chea de cor. A imaxe inclúe datos conseguidos con filtros de banda estreita, cartografando a emisión dos átomos de osíxeno, hidróxeno e xofre en cores azul, verde e vermella respectivamente. A emisión atómica está fomentada pola potente radiación que procede das estrelas quentes, cuns ventos e radiación poderosos que tamén esculpen e erosionan as formas dos densos piares. Aínda podería haber estrelas a formarse dentro dos piares por colapso gravitatorio, pero cando os piares estean erosionados de todo, calquera estrela en formación verá finalmente o seu proceso cortado polo esgotamente das súas reservas de material estelar. Este campo abarca uns 40 anos luz á distancia estimada de NGC 7822.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un novo tipo de estrela ofrece pistas sobre os imáns máis potentes do universo

Un estudo recente suxire que unha estrela masiva en helio producirá un magnetar cando explote como supernova

Por que a noite é escura se hai infinitas estrelas?

Hai agora 200 anos que Heinrich Olbers se fixo esta pregunta. O paradoxo de Olbers discutiuse dende entón e ata Poe buscou unha resposta

Atopan o mapa estelar completo máis antigo do mundo nun templo medieval

As probas apuntan a que o mapa foi feito por Hiparco, o pai da astronomía científica

Así é o mapa máis preciso e completo da Vía Láctea

A misión Gaia, da Axencia Espacial Europea, presenta a nova versión do seu catálogo, con información inédita e mellorada de 1.800 millóns de estrelas da nosa galaxia