Venres 29 Marzo 2024

A nebulosa Vasoira da Meiga

Créditos da imaxe e copyright: Martin Pugh (Heaven’s Mirror Observatory)
Créditos da imaxe e copyright: Martin Pugh (Heaven’s Mirror Observatory)

Explicación: hai dez mil anos, antes de xurdir a historia escrita da humanidade, apareceu de súpeto unha luz nova no ceo nocturno e esmoreceu despois dunhas poucas semanas. Hoxe sabemos que esa luz procedía dunha supernova ou estrela que estourou, e o rexistro da nube de refugallos en expansión é a nebulosa do Veo, un remanente de supernova. Esta definida imaxe telescópica céntrase nun segmento occidental na nebulosa do Veo catalogado coma NGC 6960 pero coñecido de xeito menos formal como a nebulosa Vasoira da Meiga. Inchada na explosión cataclísmica, a onda de choque interestelar varre o espazo agrandándose e excitando o material interestelar. Os filamentos brillantes, fotografados con filtros de banda estreita, son coma ondas longas nunha folla que se ve case de canto, cunha destacada separación entre o hidróxeno atómico (vermello) e o gas osíxeno (azul-verde). O refugallo de supernova completo está a uns 1400 anos luz de distancia cara a constelación do Cisne. Realmente, a Vasoira da Meiga abarca uns 35 anos luz. A estrela brillante da imaxe é 52 Cygni, visible a simple vista desde un lugar escuro pero sen relación co antigo remanente de supernova.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente