Venres 29 Marzo 2024

LL Ori e a nebulosa de Orión

Créditos da imaxe: NASA, ESA e The Hubble Heritage Team
Créditos da imaxe: NASA, ESA e The Hubble Heritage Team

Explicación: as estrelas poden crear ondas no mar de gas e po da nebulosa de Orión. Este estético primeiro plano de nubes cósmicas e ventos estelares amosa a LL Orionis interaccionando co fluxo nebulosa de Orión. A estrela variable LL Orionis, vagando na gardería estelar de Orión e aínda nos seus anos de formación, produce un vento máis potente  có vento do noso propio Sol, de mediana idade. Mentres o rápido vento estelar corre polo gas de movemento lento, fórmase unha fronte de onda de choque, análoga a onda de choque dun bote movéndose pola auga ou un avión viaxando a velocidade supersónica. A estrutura pequena, delicada e con forma de arco xusto por riba e á esquerda do centro é a onda de choque cósmico de LL Ori, que mide máis ou menos medio ano luz de diámetro. O gas máis lento flúe desde o cúmulo central de estrelas quentes da nebulosa de Orión, o Trapecio, localizadas por fóra da esquina superior esquerda da imaxe. En tres dimensións, a envoltura da onda de choque de LL Ori ten unha forma semellante a unha cunca que parece máis brillante cando se mira ao longo do bordo inferior. A fermosa imaxe forma parte dun mosaico grande do complexo da gardería estelar de Orión, cheo dun milleiro de formas fluídasasociadas coa formación estelar.

Vigo, 22 de febreiro, 19:00 horas, na Biblioteca Pública Juan Compañel, charla sobre as mellores imaxes do APOD do último ano.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente