Explicación: a maioría das galaxias teñen un núcleo simple; ten catro esta galaxia? A estraña resposta leva aos astrónomos a concluír que o núcleo da galaxia circundante nin sequera se ve mesta imaxe. A folla de trevo central é máis ben luz emitida desde un cuásar ao fondo. O eido gravitacional da galaxia que se olla por diante racha a luz que procede do cuásar afastado en catro imaxes distintas. O cuásar debe estar aliñado axeitadamente por tras do centro dunha galaxia masiva para que un espellismo coma este sexa evidente. O efecto xeral coñécese coma lente gravitacional, e este caso específico recibe o nome de Cruz de Einstein. As estrañas imaxes das Cruces de Einstein varían en brillo relativo, salientadas ás veces polo efecto adicional de microlente gravitacional por estrelas específicas da galaxia que está por diante.
Xa tes o teu Ceos Galegos – calendario astronómico 2018?