Explicación: onde están e onde se dirixen as nubes de gas da Vía Láctea? Para axudar a respostar esta pregunta completouse, e acaba de se publicar, un novo mapa coa máxima resolución do ceo do gas máis abondoso do Universo (o hidróxeno) xunto cos seus datos subxacentes. O mapa do ceo completo da liña de emisión de 21 cm do hidróxeno, publicado arriba, amosa a abundancia co brillo maila velocidade en cor. As velocidades radiais baixas cara nós están coloreadas artificialmente de azul e as baixas que se afastan en verde. A franxa que atravesa a metade é o plano da nosa galaxia Vía Láctea, mentres que as manchas brillantes da parte inferior dereita son as veciñas Nubes de Magallaes. O mapa HI4PI recompila datos dun millóns de observacións co setentrional radiotelescopio de 100 metros Effelsberg en Alemaña e o meridional radiotelescopio de 64 metros Parkes en Australia, tamén coñecido coma “O plato“. Os detalles do mapa non só aportarán mellor información á Humanidade sobre a formación estelar e o gas interestelar da nosa galaxia Vía Láctea, pero tamén canta da luz deste gas local se pode absorber cando se observa ao universo exterior. Moitos detalles do mapa aínda non se comprenden ben.