Créditos da imaxe: NASA, Expedición 44.
Créditos da imaxe: NASA, Expedición 44.

Espectros dende o espazo

Créditos da imaxe: NASA, Expedición 44.
Créditos da imaxe: NASA, Expedición 44.

Explicación: unha Lúa vella e as estrelas de Orión erguíanse por riba do horizonte leste o 10 de agosto. O minguante da Lúa aínda brillaba abondo para estar sobreexposta nesta instantánea tirada desde outro gran satélite do planeta Terra, a Estación Espacial Internacional. Unha luminescencia verdescente perfila a atmosfera sobre o limbo da noite do planeta. Por baixo, as luces das cidades e os alustros das tormentas aparecen sobre o México meridional. A toma tamén captura a aparición dunha forma rara de lóstregos da atmosfera superior, un gran espectro vermello collido por riba dun flash dun alustro no extremo dereito. Mentres o movemento orbital da estación espacial fai que as luces da cidade se emborronen e deixen un ronsel durante a exposición, o flash extremadamente breve do espectro vermello aparece definido. Aínda que agora se sabe que están asociados coas tormentas, moito dos espectros seguen a ficar no misterio, incluíndo como acontecen, o seu efecto no circuíto eléctrico atmosférico global e se están relacionados dalgún xeito con outros fenómenos de lóstregos da atmosfera superior coma os chorros azuis ou os flashes gamma terrestres.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.