Créditos do vídeo: NASA/Goddard/SDO AIA TeamExplicación: unha das visións astronómicas máis espectaculares é unha prominencia solar. En 2011, a sonda espacial que orbita ao Sol Solar Dynamic Observatory da NASA fotografou unha prominencia impresionantemente grande entrando en erupción desde a superficie. A espectacular explosión foi captada en luz ultravioleta no vídeo secuencia superior que cobre 90 minutos, onde se tirou un novo fotograma cada 24 segundos. A escala da prominencia é enorme; toda a Terra encaixaría facilmente baixo a cortina flotante de gas quente. Unha prominencia solar é canalizada e ás veces pendurada por riba da superficie solar polo campo magnético do Sol. Unha prominencia inmóbil dura normalmente un mes aproximadamente, e pode entrar en erupción nunha Exección de Masa Coronal (CME) expulsando gas quente ao interior do Sistema Solar. O mecanismo de enerxía que crea unha prominencia solar aínda é tema de investigación. Mentres o Sol pasa o máximo solar, agárdese que a actividade solar como as prominencias eruptivas se fagan menos comúns durante os vindeiros anos.