Emerxe o cometa Catalina

Créditos da imaxe e copyright: Fritz Helmut Hemmerich
Créditos da imaxe e copyright: Fritz Helmut Hemmerich

Créditos da imaxe e copyright: Fritz Helmut Hemmerich
Créditos da imaxe e copyright: Fritz Helmut Hemmerich

Explicación: o cometa Catalina está listo para o seu máximo achegamento. A bóla de neve xigante procedente do Sistema Solar exterior, coñecido formalmente coma C/2013 US10 (Catalina), arrodeou o Sol o mes pasado e agora está a dirixirse cara o seu achegamento máis próximo á Terra en xaneiro. Agora, co brillo da Lúa fóra do seu camiño, os observadores matutinos do hemisferio setentrional da Terra están acadando a súa mellor vista do novo cometa. E o cometa Catalina non está a decepcionar. Aínda que non tan brillante coma as primeiras predicións, o cometa está a amosar ámbalas dúas colas, de po (parte inferior esquerda) e iónica (arriba á dereita), converténdoo nun obxecto impresionante para prismáticos e cámaras de longa exposición. A imaxe publicada foi tomada a semana pasada desde as illas Canarias, preto da costa noroeste de África. Os afeccionados ao ceo de todo o mundo seguramente estarán a perseguir o cometa durante os vindeiros meses para ollar como evoluciona.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.