Únete á nosa canle de Whatsapp
Explicación: que verías se foses directamente cara un burato negro? Móstrase unha imaxe producida por computadora que salienta o estrañas que parecerían as cousas. O burato negro ten unha gravidade tan potente que a luz se dobra aprezablemente cara el; provocando algunhas raras distorsións visuais. Cada estrela normal do recadro ten polo menos dúas imaxes brillantes; unha a cada beira do burato negro. Preto do burato negro, podes ollar o ceo completo; a luz procedente de cada dirección dóbrase ao redor e volve cara ti. O mapa orixinal do fondo tomouse da exploración do ceo en infravermellos 2MASS, con estrelas do catálogo Henry Draper superpostas. Pénsase que os buratos negros son o estado máis denso da materia, e hai evidencias indirectas da súa presenza en sistemas estelares binarios e nos centros de cúmulos globulares, galaxias e cuásares.
