Venres 29 Marzo 2024

Colas cometarias e ronseis estelares

Créditos da imaxe e copyright: Kevin Parker
Créditos da imaxe e copyright: Kevin Parker

Explicación: tras rozar o horizonte occidental nos seráns do verán setentrional, o cometa PanSTARRS (tamén coñecido coma C/2014 Q1) érguese máis alto nos ceos invernais meridionais. O cometa, un visitante do Sistema Solar máis interior que se descubriu en agosto de 2014 polo prolífico proxecto de exploración panSTARRS, capturouse aquí o 17 de xullo. O cometa mailas súas colas cheas de cor foron fotografados desde o Home Observatory de Mackay, (Queensland, Australia). O campo de vista abarca xusto un grao. Este cometa PanSTARRS, que pasa rapidamente polo medio do ceo, estivo no seu punto máis preto da Terra uns 2 días máis tarde. Aínda así, as débiles estrelas da constelación de Cáncer deixaron ronseis curtos nesta imaxe telescópica aliñada coa ruta do rápido movemento do cometa. As azuladas colas iónicas do PanSTARRS flúen desde o Sol, batidas polo vento solar. Dirixida pola presión da luz solar, a máis difusa e amarelada cola de po é empuxada cara o exterior e atrásase por detrás da órbita do cometa. Nos vindeiros días o cometa, un bo obxectivo para prismáticos desde latitudes meridionais, varrerá os ceos preto de Venus, Xúpiter e a brillante estrela Regulus.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente