Explicación: que brilla pola noite? Esta noite eran evidentes varios brillos estraños; algúns achegados, pero outros afastados. No primeiro plano navegan as luminarias tenues e azuis da luz do plancto bioluminescente. O seguinte por proximidade, a atmosfera da Terra atenúa o horizonte e fornece unhas poucas nubes opacas. Máis afastado, o planeta Venus reloce brillante preto do centro da imaxe. Se desvías lixeiramente os teus ollos, un chorro de luz diagonal aparece salientado cruzando por tras de Venus. Esta franxa é a luz zodiacal, luz solar esparexida polo po do noso Sistema Solar. Moito máis lonxe están as numerosas estrelas brillantes individuais, a maioría máis preto dos 100 anos luz de distancia. Aínda máis afastada, erguéndose tamén en diagonal e facendo un “V” coa luz zodiacal, está a banda central da nosa galaxia Vía Láctea. Gran parte dos milleiros de millóns de estrelas da Vía Láctea e as nubes escuras está a milleiros de anos luz de distancia. A imaxe publicada foi tirada o novembro pasado desde a costa iraniana do golfo de Omán.