Únete á nosa canle de Whatsapp
Explicación: Xúpiter ten auroras. O campo magnético do planeta máis grande do noso Sistema Solar, como preto da Terra, comprímese cando é batida por refachos de partículas cargadas procedentes do Sol. Esta comprensión magnética canaliza as partículas cargadas cara os polos de Xúpiter que descenden pola atmosfera. Alí, os electróns son excitados ou arrincados temporalmente dos gases atmosféricos e, despois, cando se desexcitan ou recombinan cos ións atmosféricos, emítese a luz auroral. Ailustración publicada representa a magnífica magnetosfera ao redor de Zúpiter en acción. Na imaxe inserida que se publicou o mes pasado, o observatorio de raios X Chandra que orbita á Terra amosa raios X dunha potencia abraiante emitidos polas auroras xovianas,representadas en púrpura. Ese recadro do Chandra superponse sobre unha imaxe óptica tomada nun momento diferentes polo Telescopio Espacial Hubble. Esta aurora sobre Xúpiter ollouse en outubro de 2011, varios días despois de que o Sol emitira unha potenteExección de Masa Coronal (CME).
