Explicación: non sempre se ve unha escena tan fermosa coma esta cando escalas un volcán antigo; hai que ter sorte. Hai dúas semanas, cando o astrofotógrafo se decatou de que habiá unha aurora, botou unha carreira nocturna deica o cumio da caldeira para ollar se podía captala tamén reflectida na lagoa central. Ao chegar atopou que… as luces do norte eran aínda máis brillantes e impresionantes ca antes! E o seu retrato resultou no mosaico publicado de 13 panorámicas. A lagoa do cráter no centro chámase Kerid (en islandés: Kerið) e ten uns 3.000 anos de idade. A aurora do alto amosa cores e bandas impresionantes, coas cores vermellas aparecendo máis arriba cás verdes na atmosfera terrestre. O ceo do fondo está cheo de iconas da noite setentrional, inluíndo Polaris, o cúmulo estelar das Pléiades e as estrelas que forman o mango do Setestrelo.