Únete á nosa canle de Whatsapp
Explicación: coma unha ilustración do Algúns contiños para rapaces novos galáctico, a nebulosa Trompa de Elefante enrólase pola nebulosa de emisión e o cúmulo de estrelas novas do complexo IC 1396, na alta e afastada constelación de Cepheus. A trompa de elefante cósmica, coñecida tamén coma vdB 142, ten uns 20 anos luz de lonxitude. Este primeiro plano cheo de cor inclúe datos de imaxes procedentes dun filtro de banda estreita que transmite a luz dos átomos de hidróxeno ionizados da rexión. A composición resultante salienta as brillantes cristas inclinadas cara atrás que perfilan petos de po e gas interestelar fríos. Así incrustadas, as escuras nubes con forma de sarillo conteñen o material en bruto para a formación de estrelas e agochan no interior ás proto-estrelas. A case 3.000 anos luz de distancia, o relativamente tenue complexo IC 1396 cobre unha rexión grande do ceo, abarcando uns 5 graos. Esta escena impresionante abarca un grao de anchura, máis ou menos o tamaño de 2 lúas cheas.
Charla: APOD da NASA 2016, un ano de astronomía en galego. Sábado 21 de xaneiro de 2017 en Ourense, no Ateneo (Av. Habana, 25), ás 20:00 horas. Muncyt da Coruña, xoves 16 de febreiro ás 19:30.
