Explicación: é sinxelo perderse seguindo os fíos intrincados da nebulosa Espagueti. Os filamentos brillantes de gas, un remanente de supernova catalogado coma Simeis 147 e Sh2-240, cobren case 3 graos do ceo; 6 lúas cheas. Iso é uns 150 anos luz á distancia estimada para os refugallos estelares de 3.000 anos luz. Esta composición definida inclúe os datos de imaxes tirados ao través de filtro de banda estreita para salientar a emisión que procede dos átomos de hidróxeno que perfilan o gas brillante e golpeado. O remanente de supernova ten unha idade estimada duns 40.000 anos, o que significa que a luz que procede da masiva explosión estelar acadou a Terra por primeira vez hai 40.000 anos. Pero o remanente en expansión non é a única secuela. A catástrofe cósmica tamén deixou por detrás unha estrela de neutróns xiratoria ou púlsar, todo iso restos do núcleo orixinal da estrela.