Explicación: pouco antes da conxunción de Marte de xuño de 2015, o todoterreo Curiosity celebrou mil soles sobre o planeta vermello. Trala aterraxe do 5 de agosto de 2012, o Sol ou día marciano número 1.000 do Curiosity sobre a superficie correspondeulle ao 31 de maio de 2015 no calendario da Terra. Como preto da conxunción a liña de visión de Marte está preto do Sol, as comunicacións por radio están afectadas polo que o todoterreo, do tamaño dun coche, fica aparcado. A imaxe mira para atrás, cara os 10,6 quilómetros pisados ata o de agora polo Curiosity; ao lonxe óllase o perfil borroso do cráter Gale. A panorámica elaborouse con fotografías tiradas polas cámaras do Curiosity durante o sol 997.