Únete á nosa canle de Whatsapp
Este mércores entraba en vigor en México unha nova lei que prohibía aos circos utilizar animais silvestres nos seus espectáculos. Unha medida -aínda inexistente nalgúns países europeos como España– que tería mellorado a vida de Reza, un león que tras deixar de ser útil quedou confinado durante 13 anos nunha gaiola de 3×1,5 metros en Francia.
Ao igual que Reza, en Europa hai centos de tigres e leóns -usados en circos, anuncios, películas ou contrabando- que adoitan estar encerrados en pequenas gaiolas nas que non se atenden ás súas necesidades básicas. Un dos principais problemas para a súa rehabilitación é a falta de centros de rescate apropiados.
Para solucionar esta deficiencia, AAP Primadomus en Villena (Alicante) abriu as súas portas a estes grandes felinos. Os seus primeiros inquilinos son o propio Reza, a leoa Aya e a parella de tigres Jai e Radja.
Tras ser rescatados dun circo francés en quebra en maio de 2015, foron atendidos polos problemas físicos e emocionais que a súa anterior vida lles causou. Unha vez recuperados, estes animais gozan xa das instalacións ao aire libre.
