Juno retrata o planeta Xúpiter

A NASA publica un espectacular vídeo 'timelapse' da aproximación ao mundo xigante e ás súas lúas

Despois dunha viaxe de case cinco anos ao planeta máis grande do sistema solar, a nave Juno da NASA entrou con éxito na órbita de Xúpiter tras unha complexa manobra de 35 minutos.

A confirmación das operacións co motor principal, que se utilizou para frear a nave, foi recibida entre aplausos no Jet Propulsion Laboratory da NASA ás 05:53h deste martes (hora peninsular española). O buscador Google tamén celebrou o acontecemento poñendo un doodle na súa web.

O administrador da NASA, Charlie Bolden, destacou: “Con esta nave investigaremos as incógnitas dos cintos de radiación de Xúpiter, indagando en profundidade non só no interior do planeta, senón en como naceu e evolucionou o sistema solar no seu conxunto”.

Unha vez en órbita, Juno dará a volta ao mundo xoviano 37 veces durante 20 meses, viaxando a un 5.000 km da superficie por riba das nubes. Esta é a primeira vez que unha nave espacial orbitará os polos de Xúpiter, proporcionando novos datos sobre o núcleo, a composición e os campos magnéticos do xigante gasoso. Cando remate a súa misión, a nave vai autodestruirse penetrando no interior do planeta.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.