Como mover correctamente a un paciente encamado

O Colexio de Fisioterapeutas de Galicia lanza un novo videoconsello na súa campaña “12 meses; 12 consellos de saúde”. Desta volta, tratan dos pacientes encamados e do seu coidado. Os pacientes encamados sofren perda de masa muscular, rixidez articular, contracturas e problemas de circulación que poden desembocar en trombose venosa. Estes aspectos poden ser paliados desde a Fisioterapia con mobilizacións activas e pasivas e con adecuados cambios posturais que tamén preveñen a aparición de úlceras de presión ou de decúbito e escaras na pel do paciente.

Debido á inmobilidade, neste tipo de pacientes tamén é habitual que se produza un acumulo de secrecións que pode derivar en infeccións respiratorias como pneumonías. Este tipo de complicacións tamén poden ser paliadas con exercicios  de Fisioterapia Respiratoria, como respiración diafragmática, expansión torácica e con ventilación drenaxe pulmonar.

No paciente encamado conviven diferentes circunstancias distintas do resto:  trátase dun paciente no que se reúnen as consecuencias propias da súa enfermidade de base e as provocadas pola súa encamamiento, xa sexa temporal ou definitivo; ademais, polas súas circunstancias, trátase dun paciente altamente dependente dos seus coidadores.

Repercusións no organismo dos pacientes encamados

A inmobilidade prolongada ten repercusións en case todo o organismo dos pacientes encamados:

– Cardiovascular: a circulación se enlentece, as veas e arterias perden elasticidade, o que pode ocasionar problemas de circulación.

– Sistema respiratorio: deterioración da ventilación pulmonar, aumenta a retención de secreciones e con iso a posibilidade de sufrir infeccións respiratorias.

– Musculo-esqueléticas: perda de masa muscular, mentres que os ósos tamén se volven máis débiles e fráxiles, polo que aumenta o risco de ter fracturas.

– Xenito-urinarias: incontinencia urinaria que se non se xestiona ben pode provocar infeccións e alteracións cutáneas.

– Sistema dixestivo: perda do apetito e malnutrición; aumento do refluxo gastroesofáxico que pode desencadear dixestións pesadas ou ardor de estómago; ademais, a formación do bolo fecal se enlentece, podendo chegar a provocar estreñimento crónico.

– Pel: úlceras por presión se non se cambia a postura cada certo tempo.

Recomendacións para o paciente encamado

– Usar un colchón anti-escaras, que axude a distribuír as presións sobre a superficie do corpo e superficies óseas, como os talóns, cóbados, xeonllos e a rexión sacra.

– Mover ao paciente cada 2 horas. Cambiar a posición é indispensable para previr as escaras.

– A Fisioterapia e os exercicios axudan a previr a atrofia muscular, rixidez articular e trombosis venosa.

– É importante a alimentación, con consumo de proteínas, vitaminas e cunha correcta hidratación.

– A Fisioterapia Respiratoria axuda a evitar patoloxías respiratorias e mellora as secrecións bronquiais.

– Manter a pel hidratada utilizando cremas especialmente nas áreas de presión, ser coidadoso coa hixiene do paciente e secar ben a pel.

-Utilizar almofadas para conseguir aliñación corporal correcta e manter a posición desexada.

Á hora de mover ao paciente:

– Utilizar as sabas para mover ao enfermo na cama.

– Non tirar do pescozo nin dos brazos, sempre suxeitar do ombreiro e da cadeira ao enfermo para evitar lesións.

– Acudir a un fisioterapeuta para que nos aconselle a mellor maneira de realizar os cambios posturais e as posturas correctas mentres permaneza en cama.

Fisioterapia en pacientes encamados

Para alongar a autonomía persoal deste tipo de pacientes, o fisioterapeuta seguirá unha pauta de exercicios destinada a manter a musculatura nas mellores condicións posibles: se a persoa pode realizalo por si mesma, falaremos de exercicios de mobilización activa; se non pode facelo só ou é paciente non colaborador, o profesional realizará mobilizacións dirixidas ou mesmo pasivas.

Na Fisioterapia para pacientes encamados, a constancia, o esforzo e a predisposición por parte do paciente son fundamentais para conseguir resultados óptimos. Tamén é moi importante por parte do profesional da Fisioterapia establecer unha boa pauta de tratamento e realizar un seguimento da evolución do paciente, con valoracións continuas que permitan modificar a intensidade e frecuencia do tratamento para adaptalo ao estado do paciente.

Campaña “12 meses, 12 consellos de saúde”

Cos videoconsellos da campaña 12 meses, 12 consellos de saúde, os fisioterapeutas galegos queren incidir na súa vocación de servizo público á poboación, contribuíndo de forma continuada ao asesoramento á comunidade en temas relacionados coa promoción e a defensa da saúde e resaltando ao mesmo tempo que unha das funcións fundamentais da Fisioterapia e dos fisioterapeutas é a prevención e non unicamente o tratamento de lesións e/ou enfermidades.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.