Así inflúe o paro no comportamento dos españois en Twitter

O xeito de usar Twitter cambia segundo o nivel de paro de cada zona en España. Esta é a principal conclusión dun estudo de Alejandro Llorente, Manuel García-Herránz, Manuel Cebrián e Esteban Moro sobre a forma de comunicarse a través Twitter en España no que se mostra o fluxo de mobilidade entre distintas zonas xeográficas baseado nas viaxes da comunidade desta rede social.

“A adopción xeralizada por parte da maioría da poboación de tecnoloxías electrónicas que teñen penetrado en cada aspecto das súas vidas permite estudar o comportamento humano a un nivel sen precedentes até o de agora, descubriendo patróns subxacentes de actividade, mobilidade e comunicación interpersoal”, explican os autores deste mapa, que recolleron informaciónxeográfica dos chíos publicados en Twitter por 43.000 usuarios de todo o Estado durante un período de 55 días. En total, recolléronse máis de 145 millóns de mensaxes xeolocalizadas de 570.000 usuarios da España peninsular, distribuídas por máis de 340 rexións, determinadas polo seu nivel económico.

O que mostra o mapa son as viaxes deses usuarios ao longo das 24 horas do día para analizar se se poden extraer conclusións sobre o estatus socioeconómico de cada rexión a través das desviacións de dunha serie de patróns universais. E, como principal conclusión, atoparon que o desemprego ten unha correlación coa adopción tecnolóxica, a actividade diaria, a diversidade nos patróns de mobilidade e a corrección no estilo comunicativo. En concreto, as rexións que presentan maior diversidade dos fluxos de mobilidade, maiores ritmos nas primeiras horas da mañá e estilos gramaticais máis correctos presentan menores taxas de desemprego.

Estes datos foron trasladados a este mapa no que se debuxan sobre o territorio español os desprazamentos rexistrados en Twitter grazas a unha ferramenta de xeolocalización. Cada usuario é un punto no mapa e a cor deses puntos no mapa é proporcional á velocidade da viaxe (azul = viaxe rápida, maxenta = viaxe lenta). En total, no vídeo pódense ver máis de 100.000 viaxes de usuarios anónimos.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.