As imaxes máis impactantes do Sol en cinco anos

O Observatorio Dinámico Solar da NASA (SDO, nas súas siglas en inglés) vén de celebrar o seu quinto aniversario. Este observatorio leva un lustro recollendo imaxes detalladas de todo o astro rei 24 horas ó día. O SDO foi lanzado o 11 de febreiro de 2010 e pode capturar practicamente unha imaxe por segundo, proporcionando ós astrónomos unha visión clara sen precedentes de como crecen e estoupan as enormes explosións solares.

O vídeo publicado pola NASA co gallo deste aniversario amosa o máis destacado destes últimos cinco anos de capturas de imaxes: as nubes xigantes de material solar lanzado ó espazo, a danza de bucles xigantes flotando na coroa e enormes manchas solares emerxendo e afundíndose na superficie do Sol.

Neste lustro de actividade, o SDO puido, por exemplo, capturar imaxes en detalle a finais de 2014 das maiores manchas solares vistas desde o ano 1995, así como un torrente de intensas labaradas (explosións de luz, enerxía e raios-X).

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.