As mareas vermellas xa teñen o seu documental

Científicos galegos van estrear en cines un audiovisual sobre este fenómeno das nosas rías

Xa está aquí o tráiler de Mareas Vermellas. Trátase dun documental realizado por Bioimaxe en colaboración con Ardora e a produtora Inxenia, que explicará con imaxes rodadas na fía de Vigo, e cunha linguaxe accesible, a orixe destes fenómenos habituais das rías galegas e con consecuencias para o sector mexilloeiro.

Presentación en Vigo do tráiler.

Presentación en Vigo do tráiler.

A iniciativa, que conta co respaldo da Fundación Española para a Ciencia e a Tecnoloxía (FECYT), compleméntase cunha páxina web que inclúe un apartado para que os cidadáns alerten da presenza de posible toxinas, así como coa elaboración de diverso material divulgativo.

O documental, de 20 minutos de duración, mostra o papel dos científicos fronte ás mareas vermellas e inclúe entrevistas con expertos do Intecmar, que son os responsables de realizar os controis, o Centro Oceanográfico de Vigo e o Instituto de Investigacións Mariñas-CSIC. Tamén dá voz ao sector mexilloeiro, sendo Galicia o primeiro produtor de Europa.

“Xa temos acordos con dúas salas de cinema de Santiago e Pontevedra e queremos levalo tamén a colexios e institutos”, sinala Jorge H. Urcera, de Bioimaxe.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.